Зэсийн баяжмал боловсруулах үйлдвэрийн төслийн ТЭЗҮ-г БНХАУ-ын ENFI Engineering Corporation боловсруулж, Эрдэс баялгийн мэргэжлийн зөвлөл болон холбогдох яамнаар батлуулсан бөгөөд Байгаль орчны үнэлгээ ч мөн хуулийн дагуу батлагдсан.
Тус үйлдвэр SKS+BCC технологиор жилд 560 мян. тн баяжмал боловсруулж, 124 мян. тн катодын зэс, 182 мян. тн хүхэр, 11.8 мян. тн хүхрийн хүчил, 72 кг алт, 38.2 тн мөнгө үйлдвэрлэх хүчин чадалтай.
Төслийн одоогийн явцын мэдээлэл
- ТЭЗҮ анх батлагдсан: 2022 он
- ТЭЗҮ-ийн тодотгол батлагдсан: 2025 оны 3-р сарын 25
- Байгаль Орчны нөлөөллийн үнэлгээ, газар эзэмших зөвшөөрөл, инженерийн зураг төслийн ажил 100% дууссан
- Үйлдвэрлэл, технологийн паркийн дэд бүтцийг “Эрдэнэт үйлдвэр” ТӨҮГ 100% санхүүжүүлэн барьж байна. Нийт гүйцэтгэл 72 хувьтай байна.
Орхон аймагт хэрэгжүүлэх “Уул уурхай-металлург-химийн цогцолбор” үйлдвэрлэл, технологийн паркийн дэд бүтцийг “Эрдэнэт Үйлдвэр” ТӨҮГ-ын санхүүжилтээр бүтээн байгуулалтын ажлыг гүйцэтгэж байгаа бөгөөд авто зам, төмөр зам, ариутгах татуургын явц 70 орчим хувийн гүйцэтгэлтэй бөгөөд цахилгаан хангамжийн угсралтын ажил эхлээд байна.
