Монгол Улсын Шадар сайд Т.Доржханд Оюутолгойн ногдол ашгийг иргэдэд бэлнээр хуваарилах тухай ойлголт буруу болохыг тайлбарлалаа.
Тэрбээр “Эрдэнэс Тавантолгой”-н 1072 хувьцааг иргэд эзэмшдэг бол Оюутолгойн 34 хувийг төр эзэмшдэг учраас ногдол ашгийн хуваарилалт нь ялгаатай гэдгийг онцолжээ.
Өөрөөр хэлбэл, Оюутолгойн 34 хувийн ногдол ашиг нь иргэдэд шууд олгогдох бус, төрийн эзэмшлийн хувьцааны өгөөж хэлбэрээр төсөвт төвлөрөх юм. Иймээс 1072 хувьцааны ногдол ашигтай адилтган иргэдэд бэлнээр тараана гэсэн ойлголт буруу хэмээв. Харин Засгийн газар уг ногдол ашгийг хэрхэн зарцуулах талаар иргэдээс санал авч байна. Монгол Улс эдийн засгийн бие даасан байдлаа хангаж, эрчим хүчний хараат байдлаа бууруулахын тулд Оюутолгойн ногдол ашгаар эрчим хүчний дэд бүтцийн томоохон төслүүдийг санхүүжүүлэх нь зүйтэй гэв.
