Төрийн өмчит компани гэдэг нь эцсийн дүндээ төрийн буюу нийтийн өмчид тулгуурлан үйл ажиллагаа явуулдаг байгууллага. Тэгвэл эдгээр компанийн их хэмжээний хөрөнгө, орлого хэрхэн зарцуулагдаж байгааг дахин шалгах асуудал УИХ-ын түвшинд сөхөгдөж байна. УИХ-ын гишүүн Э.Шижир 96 компанид нийт 8.4 их наяд төгрөгийн зөрчил илэрсэн гэж мэдэгдэв. Үүнтэй холбоотойгоор тэрээр төрийн өмчит компаниудын төсөв, зарцуулалтыг шалгах УИХ-ын Хянан шалгах түр хороо байгуулах тогтоолын төсөл санаачилж, гишүүдийн гарын үсэг цуглуулж эхэлсэн байна.Тухайлбал, “Эрдэнэс Монгол” ХХК-ийн захирлын сарын цалин 64 сая төгрөг, “Эрдэнэс Критикал Минералс” ХХК 44 сая, Төрийн үнэт цаас хэвлэл 38.3 сая, “Шивээ Овоо” 31.6 сая, Диспетчерийн үндэсний төв 25.7 сая төгрөгийн цалин авч байна. Мөн Дарханы төмөрлөгийн үйлдвэр 24.5 сая, Барилгын хөгжлийн төв 21.1 сая, Цахилгаан дамжуулах үндэсний сүлжээ 20 сая, “Эрчис Ойл” 19.5 сая, “Эрдэнэс Тавантолгой” ХК 19.2 сая төгрөгийн захирлын сарын цалинтай гэж мэдээлэв.
ADVERTISEMENT
