Нийслэлд бүтээн байгуулалтын томоохон 16 төслийг хэрэгжүүлэхээр төлөвлөж, нийт 28.9 их наяд төгрөг шаардлагатайг тооцжээ. Эдгээр санхүүжилтийг шийдвэрлэхийн тулд 48 хувь буюу 13.9 их наяд төгрөгийг гадаад зээлээр, 23 хувь буюу 6.7 их наяд төгрөгийг төр хувийн хэвшлийн түншлэлээр, 19 хувь 5.6 их наяд төгрөгийг Улс, Нийслэлийн хөрөнгөөр, 9 хувийг үнэт цаас болон буцалтгүй тусламжаар хэрэгжүүлэхээр төлөвлөсөн.
Өнөөдрийн байдлаар ДЦС-5 төсөлд 2.4 их наяд төгрөг, Туулын хурдны зам төсөлд 2.4 их наяд төгрөг, Сэлбэ орон сууцны хороолол төсөлд 2.2 их наяд төгрөг, Улаанбаатар трамвайн 2-р шугамын төсөлд 1.2 их наяд төгрөг, Баянхошуу орон сууцны хороолол төсөлд 0.8 их наяд төгрөгийн санхүүжилтийн эх үүсвэрийг шийдвэрлэсэн байна. Мөн Хүннү, Эмээлт, Дүүжин тээврийн төслүүдийн нийт санхүүжилт 0.8 их наяд төгрөг тус тус багтаж байгаа юм. Өөрөөр хэлбэл, нийт 9.8 их наяд төгрөг буюу нийт төслийн 34%-ийг шийдсэн байна. Харин шийдвэрлэгдээгүй санхүүжилт: 19.0 их наяд төгрөг буюу 66 хувийг эзэлж байгаа аж. Хөрөнгө оруулалт нь бэлэн эдгээр 16 мега төслийн нийт санхүүжилтийн 6 хувийг л гаргасан талаар “Нийслэлийн 2024-2026 оны төсвийн зарцуулалт, хөрөнгө оруулалтын төслүүдийн хэрэгжилт холбогдох хууль, тогтоомжид нийцсэн байдал” сэдвээр ерөнхий хяналтын сонсголын үеэр тодотгож байна
