Эм, эмнэлгийн хэрэгслийн тухай хууль зөрчсөн тохиолдол сүүлийн жилүүдэд нэмэгдэж байна. Прокурорын байгууллагын мэдээлснээр 2023 онд 107, 2024 онд 178, 2025 онд 222 зөрчил бүртгэгджээ.
Харин 2026 оны есдүгээр сарын 15-ны байдлаар эм, эмнэлгийн хэрэгсэл болон мансууруулах эм, сэтгэцэд нөлөөт бодисын эргэлттэй холбоотой 71 иргэн, хуулийн этгээдэд зөрчлийн хэрэг бүртгэн шалгасан байна. Үүний 39 нь нийслэлд, 32 нь орон нутагт бүртгэгджээ.
Эдгээр зөрчилд нийт 109.8 сая төгрөгийн торгууль ногдуулснаас 57.9 сая төгрөгийг төлүүлсэн байна.
Зөрчилд эм зүйч, жор баригчаас гадна эм, эмнэлгийн хэрэгсэл үйлдвэрлэх, худалдах, нийлүүлэх үйл ажиллагаа эрхэлдэг иргэн, хуулийн этгээдүүд холбогдон шалгагддаг гэж прокурорын байгууллага мэдээлэв.
ADVERTISEMENT
