Нэг.Шүүхийн ерөнхий зөвлөлийн дэргэдэх Эвлэрүүлэн зуучлагчдын зөвлөлийн бүрэлдэхүүний бүрэн эрхийн хугацаа 2026 оны 10 дугаар сард дуусгавар болж байгаатай холбогдуулан Эвлэрүүлэн зуучлалын тухай хуулийн 10 дугаар зүйлд заасан орон тооны бус Эвлэрүүлэн зуучлагчдын зөвлөлийн гишүүн (анхан, давж заалдах шатны шүүхээс тус бүр нэг шүүгч, нэг өмгөөлөгч, хоёр судлаач)-д нэр дэвшүүлэх тухай зарыг олон нийтэд мэдээлж байна.
Нэр дэвшүүлэх хүсэлтэй шүүгч, өмгөөлөгч, судлаач нь дараах шаардлагыг хангасан байна:
1.1.Эрх зүйн дээд боловсролтой;
1.2.Иргэний эрх зүйн чиглэлээр болон эвлэрүүлэн зуучлах ажлын туршлагатай;
1.3.Эрүүгийн хариуцлага хүлээж байгаагүй байх.
Хоёр. Нэр дэвшигч нь дараах баримт материалыг цаасан болон цахим байдлаар PDF хэлбэрээр бүрдүүлж ирүүлнэ:
2.1.Зөвлөлийн гишүүнд нэр дэвших тухай хүсэлт (Хүсэлтэд нэр дэвшигч цахим шуудангийн хаяг, холбоо барих мэдээллийг бүрэн бичсэн байна);
2.2. Иргэний үнэмлэхийн хуулбар;
2.3. Төрийн албан хаагчийн анкет;
2.4.Их, дээд сургууль төгссөн боловсролын баримт бичгийн хуулбар;
2.5.Нийгмийн даатгалын дэвтрийн цахим лавлагаа эсхүл ажил эрхлэлтийг тодорхойлох бусад баримт бичгийн хуулбар;
2.6.Эрүүгийн хариуцлага хүлээж байсан эсэх тухай тодорхойлолт (e-mongolia–аас татан авах);
2.7.Эвлэрүүлэн зуучлалтай холбоотой боловсруулсан бодлогын баримт бичиг, хийсэн судалгааны ажил, хууль, дүрэм, журам, стандартын жагсаалт.
Гурав. Шүүгч нэрээ дэвшүүлж байгаа тохиолдолд жагсаалтын 2.3-2.7-д заасныг бүрдүүлэхгүй байж болно.
Дөрөв. Нэр дэвшигчийн хүсэлтийг хүлээн авах, бүртгэх
Эвлэрүүлэн зуучлагчдын зөвлөлийн гишүүнд нэр дэвшигчийн хүсэлт, холбогдох баримт материалыг 2026 оны 09 дүгээр сарын 11-ний өдрөөс эхлэн 2026 оны 09 дүгээр сарын 24-ний өдрийн 17:30 цаг хүртэлх хугацаанд administration@judcouncil.mn цахим хаягаар, цаасан хэлбэрээр бол Шүүхийн ерөнхий зөвлөлийн байр 204 тоот өрөөнд хүлээн авна.
Шүүхийн ерөнхий зөвлөл нэр дэвшигчийн хүсэлт, холбогдох баримт материал шаардлага хангасан, бүртгэсэн эсэхийг цахим шуудангаар мэдэгдэнэ.
Эвлэрүүлэн зуучлагчдын зөвлөлийн гишүүнд нэр дэвшихтэй холбоотой асуудлаар Ажлын албаны Дотоод ажил хариуцсан ахлах шинжээч Б.Золзаяа (99849783, 77104949)-тай холбогдож мэдээлэл авах боломжтой.
“Эвлэрүүлэн зуучлагчдын зөвлөлийн үйл ажиллагааны дүрэм”-тэй танилцах бол ЭНД дарж танилцана уу.
ШҮҮХИЙН ЕРӨНХИЙ ЗӨВЛӨЛ
