Хууль зүй, дотоод хэргийн сайд С.Амарсайхан эрх мэдэл, албан тушаалын нөлөөгөө ашиглан иргэн Б.Булнайд дарамт үзүүлсэн гэх асуудал улс төрийн хүрээнд маргаан дагуулж байна. Гэхдээ уг мэдээлэл одоогоор хууль, хяналтын байгууллагын эцсийн дүгнэлтээр тогтоогдоогүй бөгөөд С.Амарсайхан өөрөө тайлбар хийхээ мэдэгдээд буй.
Харин Ерөнхий сайд асан Л.Оюун-Эрдэнэ энэ дуулианыг өөр өнцгөөс тайлбарлав. Тэрбээр Б.Булнайтай холбоотой үйл явдлыг Засгийн газрын Хэрэг эрхлэх газрын дарга Б.Энхбаяр найруулж, улс төрийн зорилгоор зохион байгуулсан байж болзошгүй гэсэн агуулгатай байр суурь илэрхийлсэн.
Хэрэв С.Амарсайханд улс төрийн хариуцлага тооцож, Хууль зүй, дотоод хэргийн сайдын суудал суларвал түүнийг Б.Энхбаяр залгамжлах хувилбар яригдаж болох юм. Б.Энхбаяр өмнө нь Хууль зүй, дотоод хэргийн сайдаар ажиллаж байсан, хуульч мэргэжилтэй, салбарын бодлого болон хүчний байгууллагын тогтолцоог мэддэг улстөрч. Тиймээс түүнийг уг албан тушаалд эргэн очих боломжтой хүмүүсийн нэгээр нэрлэх улс төрийн үндэслэл бий.
ADVERTISEMENT
