Улаанбаатар хотод их багтаамжийн нийтийн тээврийн шинэ систем нэвтрүүлэх “Улаанбаатар метро” төслийн барилга угсралтын гүйцэтгэгчийг сонгон шалгаруулах II шатны Багц 1 тендер зарлагдаж, тендерийн материал хүлээн авч байна. Тус тендер нь 2025 оны дөрөвдүгээр сарын 28-ны өдөр нээгдсэн I шатны сонгон шалгаруулалтад оролцох сонирхлоо илэрхийлсэн дэлхийн 6 улсын нийт 27 аж ахуйн нэгж, компанийн дунд явагдаж байгаа юм.
Тендерийг EPC+F(Engineering, Procurement, Construction+Financing) нөхцөлөөр зохион байгуулж байгаа бөгөөд гүйцэтгэгч нь инженерийн нарийвчилсан зураг төсөл боловсруулах, тоног төхөөрөмж нийлүүлэх, барилга угсралтын ажлыг гүйцэтгэхийн зэрэгцээ төслийн санхүүжилтийн тодорхой хэсгийг бүрдүүлэх санал ирүүлэх шаардлагатай. Багц 1-ийн нийт төсөвт өртөгийн 85 хувийг гүйцэтгэгч тал санхүүжүүлэх, үлдсэн 15 хувийг нийслэлийн төсвөөс санхүүжүүлэхээр төлөвлөжээ.
Метро төслийн II шатыг хоёр багц болгон хэрэгжүүлэхээр төлөвлөсөн байна. Үүнээс Багц 1-ийн тендерийг 2026 оны 5 дугаар сарын 1-ний өдөр нээх бол Багц 2-ын тендерийг 2026 оны дөрөвдүгээр улиралд зарлахаар төлөвлөжээ. Төслийн тендерийн үйл ажиллагааны хүрээнд олон улсын оролцогч байгууллагуудтай онлайн хурал зохион байгуулсан бөгөөд уг хуралд 11 компани оролцож, төслийн санхүүжилтийн шаардлага, Байгаль орчин, нийгмийн нөлөөллийн үнэлгээний явц болон метро төслийн хэрэгжилтийн ерөнхий мэдээлэлтэй танилцаж, сонирхсон асуултандаа хариулт авсан юм. Уг уулзалт нь метро төслийн тендерийн үйл ажиллагааг олон улсын түвшинд нээлттэй, ил тод зохион байгуулах, оролцогч байгууллагуудад шаардлагатай мэдээллийг хүргэх зорилготой байв.
“Улаанбаатар метро” төсөл хэрэгжсэнээр оргил цагт нэг чиглэлд цагт 17,206 хүн тээвэрлэх хүчин чадал бүрдэх бөгөөд авто замын хөдөлгөөний эрчим 10 хувиар сайжирч, дундаж хурд 23.3 хувиар нэмэгдэх урьдчилсан тооцоо гарсан байна. Мөн нүүрсхүчлийн ялгарал жилд 213.6 тонн, азотын исэл жилд 400 тонноор буурах бөгөөд хотын хүрээлэн буй орчинд эерэг нөлөө үзүүлэх юм. Нийгмийн хувьд автобусаар 45 минутад туулах зайг метрогоор 15 минутад туулах боломж бүрдэж, өртөө орчмын бүсэд жижиг, дунд бизнес хөгжих нөхцөл бүрдэхээр байна. Түүнчлэн төслийг хэрэгжүүлэх хугацаанд 700 гаруй түр ажлын байр, ашиглалтад орсны дараа 745 байнгын ажлын байр бий болох урьдчилсан тооцоо гарчээ.
***
Tender documents being accepted for package 1 of phase ii of the “Ulaanbaatar Metro” project
Tender documents are now being accepted for Package 1 of Phase II of the contractor selection for the construction works of the “Ulaanbaatar Metro” project, which aims to introduce a high-capacity public transportation system in Ulaanbaatar city.
This tender is being conducted among 27 companies from 6 countries that expressed interest during the first-stage selection opened on April 28, 2025.
The tender is being organized under EPC+F (Engineering, Procurement, Construction + Financing) conditions. The contractor must provide a proposal that includes detailed engineering design, supply of equipment, construction works, and financing for a certain portion of the project.
Under the plan, the contractor will finance 85% of the total budget for Package 1, while the remaining 15% will be funded from the city budget. Phase II of the metro project will be implemented in two packages: the tender for Package 1 will be opened on May 1, 2026; the tender for Package 2 is planned to be announced in the fourth quarter of 2026. As part of the tender process, an online meeting with international participants was organized, attended by 11 companies. During the meeting, participants received information about financing requirements, environmental and social impact assessment progress, general implementation plan of the metro project, and were able to ask questions and receive answers. The meeting aimed to ensure that the metro project tender process is conducted openly and transparently at the international level and to provide necessary information to participating organizations.
Once implemented, the “Ulaanbaatar Metro” project is expected to transport 17,206 passengers per hour per direction during peak time, improve road traffic flow by 10%, increase average travel speed by 23.3%. Environmental benefits include reduction of 213.6 tons of CO₂ emissions per year, reduction of 400 tons of nitrogen dioxide per year, positive impact on the urban environment. Social benefits: a trip that takes 45 minutes by bus will take 15 minutes by metro; development opportunities for small and medium businesses near stations; creation of over 700 temporary jobs during construction; creation of 745 permanent jobs after operation begins.
