СЭЛБЭ ХОТ ТӨСӨЛ
Сэлбэ дэд төвийн бүтээн байгуулалтыг эхлүүлэхийн өмнө УИХ-аар Нийслэлийн Улаанбаатар хотын гэр хорооллыг орон сууцжуулах, авто замын түгжрэлийг бууруулах тухай анхдагч хуулийг батлуулж, Өрийн удирдлагын тухай хуульд өөрчлөлт оруулж, хөрөнгө оруулалтын эрх зүйн орчныг бүрдүүлсэн. Үүний үндсэн дээр газар чөлөөлөх ажлыг эхлүүлж, олон улсын зах зээл дээрээс бонд босгон, санхүүгийн эх үүсвэрийг бэхжүүлсэн бөгөөд төслийн ТЭЗҮ, зураг төсвийг боловсруулан, газар чөлөөлөлтийн ажлыг өрнүүлсний үндсэн дээр 2025 оны 05 сарын 29-ний өдөр эхний хоёр багц ажлын хүрээнд хийгдэх 4400 айлын орон сууцны бүтээн байгуулалтын ажлыг эхлүүлсэн.
Төслийн нийт гүйцэтгэл өнөөдөр 35.5 хувьтай үргэлжилж байна. Сэлбэ дэд төвийн бүтээн байгуулалт нь өнөөгийн III, IV хороолол дээр “Өнөр” хорооллыг нэмсэн дайны томоохон бүтээн байгуулалтын төсөл юм. Тодруулбал, 8,575 өрхийн цогцолбор хороолол дунд 22.5 км авто зам, 72.6 км явган болон дугуйн зам, 960 хүүхдийн суудалтай 1ш сургууль, 1260 хүүхдийн суудалтай 1ш сургууль, 1560 хүүхдийн суудалтай 1ш сургууль, 240 хүүхдийн ортой 5ш цэцэрлэг, эмнэлэг, спорт байгууламж барих бөгөөд нийт талбайн 36.8 орчим хувьд ногоон байгууламж байхаар төлөвлөгдсөн.
Дашрамд дурьдахад, Сэлбэ дэд төвийн инженерийн дэд бүтэц болох авто зам, дулаан, цахилгаан, холбоо, ус хангамж, ариутгах татуургын шугам сүлжээ, үерийн хамгаалалтын далан, тохижилт ногоон байгууламжийн ажлыг Азийн хөгжлийн банкны хөнгөлөлттэй зээлээр 2023 онд 100 хувь хийгдэж дууссан.
ХҮННҮ ХОТ – ДЭД БҮТЭЦ
Нийслэл Улаанбаатар хотын хүн амын төвлөрлийг сааруулах, бүс нутгийн тэнцвэртэй хөгжлийг хангах зорилгоор “Хүннү” хотыг Богд хан уулын өвөрт, Хөшигийн хөндийд төлөвлөсөн. Энэхүү хот нь Улаанбаатар хотоос 53 км, Төв аймгийн Зуунмод хотоос 10 км зайд, “Чингис хаан” олон улсын нисэх буудлын орчимд байрших бөгөөд нийт 150,000 хүн ам, 80,000 орчим ажлын байр, 10.5 сая м.кв барилгажих талбайтай байх юм.
Хүннү хотын Хөгжлийн ерөнхий төлөвлөгөө, ажлын зураг төслийн дагуу 2022 оноос хойш хотын дэд бүтцийн эх үүсвэрийн бүтээн байгуулалтын ажлуудыг хийж гүйцэтгэж байгаа бөгөөд 2026 оны 06 дугаар сарын байдлаар дараах явцтай үргэлжилж байна.
– Хүннү хотын цэвэрлэх байгууламжийн барилгын ажил-35%
– Сэргэлэн дэд станцын бүтээн байгуулалт-95%
– Хүннү хотын бүтээн байгуулалтын менежмент мэдээлэл, сурталчилгааны цогцолбор ногоон барилгын ажлын зураг төсөв боловсруулах ажил-85%
– Хүннү хотын инженерийн дэд бүтцийн салбар шугам сүлжээний зураг төсөл-75%
– Сэргэлэн дэд станцын бүтээн байгуулалт-95%
– Хүннү хотын 127.4 км автозамын зураг төсөл, бүтээн байгуулалт-50%
– Хүннү хотын бүтээн байгуулалтын менежмент мэдээлэл, сурталчилгааны цогцолбор ногоон барилгын ажлын зураг төсөв боловсруулах ажил-85%
БАЯНХОШУУ, ШАРХАД ДЭД ТӨВИЙН ОРОН СУУЦЖУУЛАЛТ
“Улаанбаатар хотын ногоон орон сууц” төслийн бүтээн байгуулалт Баянхошуу болон Шархад дэд төвд өрнөж байна. Тус төсөл нь Азийн хөгжлийн банк (ADB) болон Уур амьсгалын ногоон сангийн (GCF) санхүүжилтээр хэрэгжиж буй. Төслийг хоёр үе шаттайгаар нийт 55 га талбайд хэрэгжүүлж 5000 айлын орон сууцыг барина.
Төслийн нэгдүгээр үе шатны хүрээнд Баянхошууны 5.5 га талбайд 462 айлын орон сууц баригдахаас эхний ээлжийн 4 блок 110 айлын орон сууцны барилгыг 2025 оны 11 дүгээр сард Улсын комисст хүлээлгэн өгсөн. Инженерийн шугам сүлжээ, барилга байгууламжийн ажлыг 2024 оны 12 дугаар сард хүлээлгэн өгчээ. Төслийн II ээлжийн 226 айлын 6 блок барилгын угсралтын ажил хэвийн үргэлжилж байгаагаас B13-1 талбайн 150 айлын дөрвөн блок барилгын ажил 89.8 хувийн гүйцэтгэлтэй байгаа бол B13-2 талбайн 76 айлын хоёр блок 64 хувийн гүйцэтгэлтэй байна. Харин үлдсэн 126 айлын орон сууцыг төлөвлөгдсөн дараагийн блок төсөв, санхүүгийн зохицуулалтаас шалтгаалан 2026 оны эхний улиралд хэрэгжүүлэх юм.
Шархад дэд төвийн хувьд 5.4 га талбайд 338 айлын орон сууц, үйлчилгээний цогцолборын бүтээн байгуулалтын ажил үргэлжилж байна. Тодруулбал, S27-5 талбайн 110 айлын дөрвөн блок барилга 99 хувийн гүйцэтгэлтэй байгаа бол S27-2 талбайн 152 айлын дөрвөн блок 79 хувь 89.8 хувь, 76 айлын хоёр блок 57.5 хувийн явцтай байна.
Төслийн хүрээнд саарал усыг дахин ашиглах системийг нэвтрүүлснээр ахуйн хэрэглээний усыг боловсруулж, ариун цэврийн байгууламжид эргүүлэн ашиглах боломжийг бүрдүүлсэн нь усны нөөцийг хэмнэх бодит шийдэл болжээ. Түүнчлэн ухаалаг дэд бүтэц, эрчим хүчний хэмнэлттэй шийдлүүдийг хослуулснаар байгаль орчинд үзүүлэх сөрөг нөлөөллийг хамгийн бага түвшинд хүргэж байна.
Төсөл бүрэн хэрэгжиж нийт 5000 айлын орон сууц ашиглалтад орсноор 8000 яндан, 5000 нүхэн жорлонг устгах бөгөөд энэ нь нийслэлийн агаар, хөрсний бохирдлыг бууруулахад чухал нөлөө үзүүлнэ.
