Багахангай–Хөшигийн хөндий–Эмээлтийг холбох бөгөөд ачаа, зорчигч тээврийн зориулалттай. Дэлгэмэл урт нь 177.4 км, нийт 4 өртөө, 3 зөрлөгтэй Дотоодын 160 гаруй аж ахуйн нэгж оролцсон. Жилд 20–25 сая тонн ачааг Улаанбаатарыг тойруулан тээвэрлэхээр тооцжээ. Ингэснээр хотын дундуур өнгөрөх ачаа тээврийн хөдөлгөөнийг бууруулна. Төмөр замын гармын хаалтын хугацааг 90 хувиар бууруулах боломжтой. Одоогоор галт тэрэг өнгөрүүлэхээр авто замын хөдөлгөөнийг хоногт дунджаар 144 минут хаадаг. Хоногт 1,800 орчим том оврын автомашины хөдөлгөөнийг бууруулах тооцоотой. Энэ нь замын элэгдэл, засварын зардал, агаар болон орчны бохирдлыг багасгах ач холбогдолтой. Аюултай, тэсэрч дэлбэрэх ачааг хотын гадуур тээвэрлэнэ. Олон төрөлт ачааны болон аюултай ачааны хоёр нэгдсэн терминалтай. 976 байнгын ажлын байр бий болно. Ажилтнуудын 30 хүртэл хувийг орон нутгаас сонгож, мэргэжлийн сургалтад хамруулна. 15 жилийн хугацаанд 442.2 тэрбум төгрөгийн татвар төлөхөөр тооцсон. Хөшигийн хөндийн шинэ хотууд, логистикийн төвийн тээврийн суурь болно. Хүннү, Зуунмод, Майдар болон Сэргэлэнгийн дагуул хотуудын хөгжлийг дэмжинэ. Хотын төвийн ачаа терминалуудыг нүүлгэх боломж бүрдэнэ. Улаанбаатарт үйл ажиллагаа явуулдаг 13 гаруй терминалыг нүүлгэнэ.
ADVERTISEMENT
