“Алтан намар-Мод тарих улирал” арга хэмжээнд УИХ-ын Тамгын газрын албан хаагчид нэгдлээ

Улсын Их Хурлын дарга, гишүүд, Тамгын газрын ажилтан, албан хаагчид нь жил бүрийн хавар, намар мод тарьдаг уламжлалтай.

УИХ-ын Тамгын газрын албан хаагчид “Алтан намар-Мод тарих улирал” арга хэмжээний хүрээнд 2026 оны 10 дугаар сарын 03-ны Бямба гарагт мод тарилаа. Энэ өдөр “Олон улсын эко цэцэрлэгт хүрээлэн”-д нийт 42 байгууллагын 1072 хүн 3000 гаруй модны суулгацыг мэргэжлийн зөвлөгөө, аргачлалын дагуу суулгаж, усалгаа хийв.

Өнгөрсөн хугацаанд “Тэрбум мод” үндэсний хөдөлгөөний хүрээнд улс орон даяар нийт 140 сая гаруй мод тарьжээ.