Монгол Улсын Ерөнхийлөгч, Зэвсэгт хүчний Ерөнхий командлагчийн ивээл дор зохион байгуулагдах “Төрийн цэргийн болон хууль сахиулах байгууллагын ахлах офицерын чуулган”-ыг угтан Онцгой байдлын байгууллагын “Шилдэг ахлах офицер” шалгаруулах тэмцээн 8 дугаар сарын 22,23-ны өдрүүдэд зохион байгуулагдаж, төв, орон нутгийн Онцгой байдлын байгууллагын 34 алба хаагч оролцон мэдлэг, авхаалж, самбаа, мэргэжлийн ур чадвараа сорин өрсөлдлөө.

Тус тэмцээнд амжилттай оролцож, тэргүүн байр эзэлсэн НОБГ-ын Баянзүрх дүүргийн Онцгой байдлын хэлтсийн Гал түймэр унтраах, аврах 35 дугаар ангийн захирагч, хошууч Н.Төрбат-ыг газрын удирдлагууд хүлээн авч, баяр хүргэн цаашдын ажил хөдөлмөрт нь өндөр амжилт хүслээ.
