Мега төслийн хувь заяа зөвхөн мөнгө, ТЭЗҮ-гээс бус тухайн үеийн Засгийн газрын амбиц, шийдвэр, залгамж чанараас ихээхэн хамаардаг. Нэгэн жарны нүүрийг үзэж буй Эрдэнэбүрэнгийн усан цахилгаан станцын түүхийг улс төрийн циклээр тоймлон харуулж байна.
1. 1964 он – Ю.Цэдэнбалын үе. Эрдэнэбүрэнд усан цахилгаан станц байгуулах боломжийг анх судалсан ч төсөл бодит ажил болж чадалгүй 44 жил хүлээгдэв.
2. 2008 он – С.Баярын Засгийн газар. Эрдэнэбүрэнгийн УЦС-ын анхны ТЭЗҮ боловсруулагдсан ч дараагийн долоон жил төсөл дахин цаасан дээр үлдэв.
3. 2015 он- Ч.Сайханбилэгийн Засгийн газар. Эрчим хүчний сайд Д.Зоригтын үед төслийн нэгж байгуулж, олон жил саатсан төслийг дахин хөдөлгөх суурийг тавив.
4. 2019 он- У.Хүрэлсүхийн Засгийн газар.Эрчим хүчний сайд Ц.Даваасүрэнгийн үед ТЭЗҮ-г шинэчлэн баталж, станц болон усан сангийн газрыг улсын тусгай хэрэгцээнд авч, БНХАУ-ын хөнгөлөлттэй зээлийн санхүүжилтээр хэрэгжүүлэх ажил урагшлав.
5. 2021 он- Л.Оюун-Эрдэнийн Засгийн газар. Эрчим хүчний сайд Н.Тавинбэхийн үед ерөнхий гүйцэтгэгч шалгарч, гэрээ байгуулагдан, байгаль орчны үнэлгээ батлагдав.
6. 2024 он – Л.Оюун-Эрдэнийн Засгийн газар.Тусгайлсан зээлийн хэлэлцээр батлагдсанаар 60 жил яригдсан төслийн санхүүжилтийн томоохон зангилаа тайлагдав.
7. 2026 он – Н.Учралын Засгийн газар.Өдгөө Эрчим хүчний сайд Б.Найдалаагийн үед бүтээн байгуулалт үргэлжилж байна. Харин өмнөх Засгийн газруудаас дамжин ирсэн энэ төслийг төлөвлөсөн хугацаанд нь дуусгаж, баруун бүсийн импортын цахилгааны хамаарлыг бодитоор бууруулж чадах эсэх нь одоогийн Засгийн газрын өмнөх гол шалгуур болж байна.
60 гаруй жил дамжсан Эрдэнэбүрэнгийн хувьд одоо дахин төлөвлөх бус, төлөвлөснөө хугацаанд нь дуусгах үе иржээ.
ADVERTISEMENT
